月19日，周日。貝南奇認為美國借貸市場崩潰對樓價及個人財富影響係長期性，政府將利率降至0.25厘及計劃購入1.25萬億美元按揭係有紓緩作用，但無法改變大方向。美國去年第四季不履行按揭率上升7.88%，係1972年來最高。去年樓價回落8.2％，加上股市回落令美國人財富減少11.2萬億美元。各位唔好期望牛市會2009年，甚至2010年上半年出現牛市（即美股50天移動平均線高於200天線機會唔高），但唔代表冇錢搵，例如去年11月同12月反彈及今年3月同4月急速反彈。由去年10月開始之後十八至二十四個月，股票市場內充滿Double Your money機會。各位可在每次上落市中賺取100％或以上利潤。
呢次反彈市中，金融股升幅十分了不起，例如美國銀行、富國銀行、UBS、控（005）等由3月9日至今平均升幅達120%（控升幅仍大大落後其他銀行股）。金錢遊戲規則進入「Picking the right stocks and knowing when to sell」期。Trading已取代投資，成為主流。
不要做「癡心漢子」
每當聽到投資者電盈（008）或控（005）身上蒙受巨大虧損，實在令我老曹感到沮喪；佢地所犯錯誤唔止買錯股份咁簡單，更同時係因為唔肯止蝕。2000年科網股泡沫爆破後至今，仍死守電盈不離不棄；2007年9月次按債券危機爆發後明知會影響控美國Household業務，仍然繼續持有。投資者對「大名」（big names）迷信，一如美國人對AIG、雷曼兄弟等。此心態一日唔改變，便一日不能成為出色投資者。泡沫爆破後會點？港人唔係唔知道，遠一D如1997年第三季本港樓市泡沫，近一D如2000年科網股泡沫，依家則面對2007年10月次按債券危機……每一次泡沫爆破後，仍見到唔少傻瓜住Ｄ高價買入泡沫股不離不棄，而上演「愛情大悲劇」。請記住，泡沫爆破前，冇人會為你響鐘，如你一次又一次甘心做「癡心漢子」，便多多錢都唔夠輸。
改革開放初期，中國為到底姓「社」還是姓「資」，曾引起廣泛爭論。1992年鄧小平提出「不搞爭論只爭取時間幹」，因為一搞爭論便把時間都爭掉了，什麼都幹不成。不爭論反而可大膽地嘗試，錯了就改……無謂爭論、空洞爭論只係浪費時間。反觀香港呢十幾年來經濟發展，就在爭論中將時間都爭掉了。2008年12月18日十一屆三中全會中，胡主席再提出「不動搖、不懈怠、不折騰」戰略。乜係「折騰」？北方方言乃指「搵搞」。簡單D講：唔好搞群眾運動，所有矛盾透過協商去解決或通過法律去解決；「不折騰」就係「不搞群眾運動」。今天睇見泰國政治搞到一團糟，例如紅衣黨執政時，黃衣黨就搞群眾運動，令機場無法運作；今年黃衣黨執政，紅衣黨又搞群眾運動……再咁搞落去，泰國旅遊業前景係點？泰國經濟前景係點？港人亦應該學習了解「不折騰」思想。
OPEC連續第八個月削減石油需求預測，因最大石油消費國（美國）經濟在迅速惡化，第二大需求國日本情況亦不容樂觀，只有中國對石油需求仍保持增長。OPEC今年石油出口淨收入較去年減少51％，只有4760億美元，因此5月28日會議中可能進一步減產。不過《財富》仍建議各位吸納石油股，指今年油價上升11.5%，見50美元，相信50美元完成整固後，未來油價將向上【圖】。因為OPEC已為油價訂下目標價，即2009年年底前見60美元一桶，並2010年令油價60至70美元之間上落。
石油供應不足料再現
OPEC家供應全球40%石油，六次減產共四百二十萬桶，佔總產量12%，依家已完成減產能80%。過去十二個月石油鑽探活動減少43%（其中墨西哥灣減幅最大，達80%）；OPEC亦公布三十五個新項目延期到2013年才動工。
IEA估計，2030年石油需求一億零六百萬桶，要達上述需求，未來二十一年必須投資26.3萬億美元，照依家情況，另一次石油供應不足將於2015年出現。
Cambridge Energy Research Associate最近警告大家，到2014年全球產量只有一億零一百四十萬桶，較去年減少七百六十萬桶。因此或遲或早油價將再次因供不應求而上升。另一因素係美國石油股指數只有六倍O（雖然2008年係石油股純利高峰期），標普五百指數O卻係十二倍，即今年石油股純利即使下跌50％，亦唔會令股價進一步回落。T. Rowe Price旗下基金已投資29億美元艾克森美孚身上（O八倍）。克萊則睇好雪佛龍，JP摩根估計該公司從伊拉克及巴西獲得新供應來源而O只有六倍。其實，本港上市中資石油股亦十分吸引。
EIA估計，美國今年天然氣需求下降7.4％。由於美元下降0.3％，估計今年每百萬立方英尺平均價4.24美元，2010年為5.83美元。
雖然環球需求下降影響中國出口，但中國東部固定資產投資今年首兩個月上升15.4%、中部升34.3%、西部升46.7％。來自中國經濟增長正擴散到香港，引發3月9日開始反彈市，例如江西銅業（358）升幅十分可人，並漸漸擴散到其他資源股同能源股；再加上銀行股補淡倉潮，令3月同4月港股表現十分出色。
Carry Trade捲土重來 G20國峰會之後，各國相繼出台新一輪經濟刺激方案，其中又以日本及中國最受矚目。日本方案推出後，日經平均指數卻回落；反之，中國人民幣國際化已邁出重要一步，與中國貿易今後可以人民幣結算。依家中國已同亞洲、歐洲、南美、東南亞等國家簽署6500億人民幣互換協定，中國向呢D國家輸出人民幣，作為日後支付畀中國貿易之用。家中國已係全球第一大外儲備國、第二大出口國、第三大經濟實體。人民幣國際化分「三步走」：一、實現人民幣作為國際計價結算、各國外儲備及在外市場交易。二、令中國外儲備增長放緩，未來中國出口以美元計價減少，以人民幣結算上升，令人民幣世界範圍內流通。三、境外人民幣債權、債務問題，除人民幣在境外流通量增加外，亦形成人民幣境外借貸市場。美國《政治周報》網站認為，一場世界經濟大戰已經開始，對手係中、美兩國，目標係爭奪世界經濟主導權。依家美國仍係世界最大經濟實體，金融海嘯後實力受嚴重削弱，霸主地位已岌岌可危；反之，中國則趁機鞏固自己正在崛起經濟實體地位，成為金融海嘯中最大贏家。最近中國就手上1萬億美元美國國債係咪安全提出質疑，已動搖美元地位，美國總統奧巴馬立即出面捍美元價……誰主導、誰被動？已十分清晰。近期投資界恢復Carry Trade，令巴西、匈牙利、印尼、南非、紐元及澳元由3月20日至4月10日呢段期間兌日圓上升8％或以上，為1999年以來最大升幅。高盛證券、Insight Investment Management、Fischer Francis Trees & Watts等大行，恢復向客戶分析Carry Trade，令資金回流新興市場及商品市場。借日圓、借美元（同業拆息只有1.13厘）買巴西雷亞爾（有10.51厘息）如價不變，實賺9.38厘。過去三十年（1980年至今）Carry Trade每年平均回報達21％，只係2008年下半年至今Carry Trade投資者才損失慘重，2009年3月份起Carry Trade又漸漸恢復吸引力。
今年第一季中國GDP增長率只有6.1％，而去年7月1日至12日，人民幣只上升0.4％，最近成6.825兌1美元。OECD估計2009年中國GDP上升6.3％、美國收縮4％、日本收縮6.6％。中國GDP保持增長，有賴固定資產投資。滬深A股今年升幅已達39％。問題在於如果美國經濟無法復甦，中國經濟可以好得去邊 ?! VIX正在迅速回落，代表投資者由去年10月恐懼漸漸走向貪念，上述情況仲可以維持幾耐?!沃爾瑪CEO仍未睇到衰退盡頭，湯森路透則報道美國樓按斷供情況在惡化中。
中國第一季外儲備只升77億美元，為八年內升幅最細（去年同期上升1539億美元）。1月份減少326億美元、2月份減少14億美元、3月份上升470億美元。香港德銀分析員Jun Ma估計，今年中國外儲備只上升1000億美元（去年4178億美元）。中國對美國國債興趣大減，資金用作向海外購買資源或資源股。商品價格自今年1月起恢復上升，最大推動力量來自中國，後市展望仍有上升空間。但美國消費文化已被徹底破壞，令美國經濟復甦唔可能2009年甚至2010年出現，因美國人再花唔起100美元食一個餐或花5000美元度假。
2001年1月開始，格蛇「Rebubble」嘗試證明成功。美國房地產泡沫化環境下，抵銷2000年科網股泡沫爆破影響。2007年9月貝南奇亦嘗試「再泡沫化」，將利率減至0.25厘，但無法製造另一個較地產泡沫更大泡沫。有如戀愛失敗後女性仍有勇氣嘗試第二次戀愛，如第二次再失敗，便好難再令此女士全情投入第三次戀愛道理一樣。
反彈市恐下月結束
理論上，每次股市大升後都係出貨期，請約束你熱情，理智D處理問題。股市已上升六周，反彈市好少超過三個月（十二星期），即依家反彈市已完成一半或以上升幅，美國經濟唔可能出現V形反彈，預計係U形，即短期仍係上落市。4月份調查結果，相信未來九十天經濟將改善者佔40％（3月份佔70％），惡化者佔20％（3月份佔7％），認為未來九十天股市仍上升者佔23％（3月份佔67％），回落者佔32％（3月份佔70％）。恐怕呢次反彈市5月份結束。
投資有如談戀愛，既充滿浪漫，亦有不守諾言、踐踏自尊，甚至以一塌糊塗離婚收場。既係理性分析，同時須用心去感受，此乃點解成功投資同美好婚姻一樣咁少。如果你投資策略好普通，結果自然亦普通，能夠成就億萬家財一如刻骨銘心愛情，一定係可歌可泣。投資更似戀愛地方後充滿欺騙，投資市場內騙子較愛情騙子更多。初相識情侶必須互探對方虛實後，才決定係咪繼續放感情落去，如一見鍾情只有感情冇理性，極可能以悲劇收場，最後需要律師或社會福利署出面調停。投資關乎你日後財富，戀愛更影響你一生一世，兩者都不能盲目，既要用心，亦要用腦才有美好結果。坦白講一夜情通常唔長久，我老曹喜歡細水長流式愛情；投資亦一樣，必須從中、長線角度去睇問題。
美股VIX自去年11月開始一直回落，在今年首季形成下降三角形，即短期展望美股仍有上升力量。4月份FASB決定美國金融股資產負債表可Mark to Model，令銀行股4月份大升。G20峰會後股市進一步上升，但2007至08年美股共失去11萬億美元市值（超過50%市值），奧巴馬上台後再回落20%，上述客觀形勢好容易孕育熊市反彈。
2008年3月17日金價見1023.5美元後出現七個月調整，跌幅32%，最低為2008年10月24日682.41美元，主要拋售來自對沖基金，佢地擔心嚴重經濟衰退可能引發通縮……。2008年10月後因投資者對全球金融系統失去信心，flight to quality 驅使下，金價今年2月20日再見1006.29美元，短短四個月升幅達47%。隨住各國政府刺激經濟計劃出台，投資者信心重建，黃金一度跌140美元（或14%）。技術上睇，金價250天線（856美元）有支持，如能守穩，後市金價可再次睇好。Jeff Clark建議每次金價870美元以下、823美元之上都係吸納水平。現今客觀環境，小量持有實金有一定需要。金融危機2007年11月開始，2008年10月達最高潮；其後各國政府出手努力挽救（或修補）金融海嘯造成災害，包括利用財政政策及金融政策對抗環球衰退，形成各國政府負債佔當地GDP比率大升。短期而言似乎已成功阻止通縮惡化，但無法令經濟恢復高增長。因為2007至08年全球投資者失去大量財富；個別投資者呢場金融海嘯中虧損約40%財富，而令銀行失去20%借貸能力（因美國樓價回落30%）。因此估計呢次衰退期唔會短，各位唔好忘記道指或恒指由1997年至今過去十多年回報率係「零」（或負增長）；反之過去十年金價升幅卻不俗。龜兔競走，最後贏家係龜唔係兔！
沒有留言:
張貼留言