陸羽仁 - 有水抽食得唔好

借住美國3月份成屋待完成銷售和建造業支出好過預期，美股周一大升逾半成。內地股市昨日早段造好，恒指跟隨高開190點後走勢反覆，大市連升三日後有回吐壓力，壓住大市升勢，但最後仍能保持升勢收市。
恒指連續第四天上升，收報16430點，升49點，全日最高16581點，最低16296點。期指收報16330，升103點，比現貨低水100點，成交81509張。內地股市止跌回升，上證綜指收報2567點，升7點，國企指數反覆偏軟，但仍能守於250天移動平均線上方，收報9602點，跌40點，跑輸大市。大市成交保持暢旺，成交778億元。

重磅股控(005)和中移動(941)都有進帳，跑贏大市。豐高層吹風，話控希望成為首批登陸上海證券交易所的外資上市公司。不過有分析員指，控登陸A股市場將拓寬豐控股的融資渠道，但起碼需要一、兩年的時間才能成功，現在討論為時尚早，控早前宣佈集資，中資包銷並不積極，大有親疏有別的態度，當年回歸有人遷離香港，現在個個金融機構都想吸「大陸水」，俾你返去掛牌，即係擺明益你，如果有人想返內地掛牌，咁係咪要有番表示先呢？控收報57.95元，升1.8%。中移動收報73.1元，微升0.9%。
政府昨日推出的上水石湖墟蚊型地皮，由科達地產以高出底價一倍的6100萬元投得，平均呎價4,028元，高過市場預期的4000至5000萬元，成交價格理想，反映對後市樂觀，今次成交價雖然高，但買家主要係睇好中港邊貿，買塊地來起商場，加上地塊細小，對整體大市參考價值不高，所以地產股無受特別刺激。
股市暢旺，立即又有上市公司出來伸手，利豐伸手啟動了藍籌集資的第一波，昨日利豐復牌即時唔見一截，小股東升市下見自己隻股倒跌，確實係幾無癮，大家關心會不會再有其他藍籌股會集資呢？
撞正批股心翳滯
利豐(494)趁股市當旺配售股份集資，周一宣佈以先舊後新方式配售1.2億股股份，涉及金額27.13億元。股價應聲下跌，大挫8%至22.05元，係昨日表現最差的藍籌股。
中傳動(658)早前亦遭大摩配售6500萬股，套現1.1億美元。中傳動昨日股價跌3.5%，報14元。跟住昨日收市後，又傳榮太子批售部份持有的中信泰富股票，每股介乎11.95元至12.2元，配售6,000萬股，估計套現最多7.32億元；配售價折讓7.5至10%。最近多宗配售雖然折讓比較大，但去貨速度幾快，證明基金仲有胃口食貨，配售可能是港股見頂的最初預警信號，但暫時仍未對投資者的樂觀情緒有太大，真正考驗估計係美國銀行壓測公佈後，金融機構伸手時的市場反應係點。
中環茶友笑言，現時港美情況一個共通點，就係利息超低，上個星期聯儲局主席伯南克話到明，話低息時間會維持一段長時間，言下之意就算不是焗人去炒，都係擺明係鼓勵大家去炒，點解央行行長忽然間會成為炒家的忠實盟友，提供埋彈藥俾班大鱷去搵食呢？
聯儲局明益伸手黨
背後道理一字咁淺，就係想炒高個市，方便有需要集資的公司抽水救命，呢一招係為了今個星期四美國公佈銀行壓力測試後，不合格機構做伸手黨鋪路，市場醒目錢睇到呢個清清楚楚官商勾結局面，自然偷步炒個市上去先，等錢使的上市公司睇到個勢自然識做，所以美資投行急急腳沽中傳動套現，砌番好小小資本額條數。
做開美國水的利豐亦老實不客氣，幾個月前先抽新加坡佬水，今次又集多廿幾億，抽完又抽，頗有食得唔好之意，總之一句講到尾，就係錢放係自己袋，好過放係人袋。
睇見上市公司集資抽水陸續有來，茶客諗起經典電視劇《大時代》結局時的一番話，「股市原意，乃讓集資投資有其地，社會向榮，人皆有賺」，意思係上市公司見價好就印股票，換取散戶的真金白銀，所以炒股不會發達，只有印股票先會發達，所以散戶炒股與其磨爛蓆，不如見好即收，乘早歸去。
茶客又補充，自己咁講不等如話叫散戶即係沽晒貨，甚至造淡沽空，皆因股市炒起上來，不是偏高就是偏低，你防佢跌時佢就升，升到你唔信佢就跌，總之睇通個局，明白自己角色，就可如美人在抱，股票坐懷而不亂！